Marämarama1

ÈTÄRËTIA POROTETANI  MÄOHI

TE MÄRAMARAMA,

                                 TE ORA O TE NÜNAA I TEIE MAHANA
                                

RURURAA ETÄRËTIA-RURURAA TIÀTONO (2008-2009)

 
1. E aha te märamarama. I te hiòraa i te Tenete 1,3 -25, e aha te mea e tano ia parauhia i nià i te faufaa o te märamarama. Ua riro änei te reira èi haafaufaa-òre-raa i te pöuri.

Pähonoraa, aita te Atua i rahu i te pöuri, te märamarama te ùputa ia o te ora ta te mana o te Parau a te Atua i ìriti. Ia hiòhia anaè tätou i te òhipa i tupu ua parau iho ä te Atua èi ia mmm, ua mmm iho ra i muri iho teie mmm te türama ra, i te mau òhipa atoà ta te Atua i rave, ua parau te Atua ua tupu, ua hiò te Atua ua mauruüru te Atua te mea ta na i faatupu, e ua parau mea maitaì roa, ua parau, ua tupu, e te Atua iho tera e haapäpü ra e mea maitaì roa,  aita hoê taime te Atua i parau e, te vai ra te tahi mea aita i àfaro maitaì, te auraa ra te mau òhipa ta te Atua i rave, no te faaìte ia i te taata te täpaò no to na aroha e to na here ia na. No te mea ia parau anaè tätou te ùputa, e aha te ùputa te tahi vahi e na reira tätou i te ìte i te mea e vai ra i ò mai, i roto i teie ìritiraa te Atua i te ùputa o te mmm e aha te mea ta tätou  e ìte atu ra te vai ra iho ä te rahu tei faaìte mai te maitaì ta te Atua i faaineine no te taata mea täno tätou ia tütonu maitaì i nià i tera vahi te faaìte mai ra te reira te maitaì ta te Atua i faaineine no te taata e te reira mau maitaì no te faaìte ä ia i te taata to na aroha e to na here, ia haapoto-anaè-hia te mau mea atoà ta tätou e ìte nei i teie mahana te mea faaî nei i te fenua, te tai e te reva e tae noa atu to raro i te fenua tei òre tätou e ìte, no te faaìte ia i te taata i te aroha e te here o te Atua ia na. Mai te peu e ua ö mai te mmm  ua faufaa òre anei te pöuri, aita no te aha te mmm tei ö mai i roto i te pöuri te haamataraa te mau mea atoà  te vai ra te pöuri no te pöuri te parau te mmm tera i tomo mai i roto i te pöuri, i teie ra tomoraa mai te mmm i roto i te pöuri aita te pöuri i faaòrehia hau roa atu na te Atua iho horoà tei iòa o te mmm e to te pöuri, e aha te auraa ua ìte e ua färii te Atua i te mmm, e ua ìte atoà ra ua färii i te pöuri, te vai ra te tahi, te vai ra te tahi, haamanaò tätou e te mmm tera i ö mai i roto i te pöuri aita te mmm i haere mai e täpoì, aita te mmm i haere mai e faaòre te vai noa ra te pöuri. Ia hiò tätou i te òhipa i tupu i to te Atua rahuraa te raì e te fenua, no te vai te parau, ta tätou e parau nei te päpe, ua ani te Atua i te päpe ia vaiiho mai te tahi vahi taa atu ra te päpe i nià, taa mai nei te päpe i raro, tera area ta te päpe i faaruè no te pähono i te aniraa a te Atua, te vahi ia ta te Atua faataa èi tupuraa no te raì, tera päpe i raro taa atu te tahi vai mai nei te fenua tera te faanahoraa o te raì e te fenua, teie nei ra te naò atu na vau e, te haamataraa no te päpe te parau, haamanaò na tätou e aha te òhipa i tupu i te hararaa te taata i te tau o Noa, e aha te òhipa ta te Atua i rave, ua faahoì faahou te Atua i te fenua i to na huru mätamua, hoì faahou te päpe i te vahi ta na i horoà e aha i ìtehia e pohe. No reira mai te peu e ö mai te mmm i roto i te pöuri, aita te Atua i faaòre i te pöuri te vai noa ra te pöuri e te tiaì noa ra te pöuri i to na taime no te rave faahou i te vahi ta na i horoà, eiaha tätou e manaò ua faateateahia te fenua, eiaha tätou e manaò ua tuu mai te Atua i te mmm ua ora tätou aita aita hoê noa mea te taata e ora ai, ia faaea noa i roto i te mmm te taata e paruparu te taata èita e haapaò na na noa e hitimahuta ia hoì faahou mai te pöuri e rave i te mea ta na i horoà, te manaò ra tätou e i teie mahana tei roto tätou i te mmm, òia tei roto i te mmm te tiaì atoà noa ra ra te pöuri. No te aha te taata te tahi tau, èita i te tau atea roa ua färii te mea ta tätou e parau ra i teie nei mahana e évaneria te parau a te Atua ua òaòa i te tomoraa i roto i te mau taata e hinaaro e haamori i te Atua e teie mahana e aha te parau rahi e faaroohia i roto i te vaha o te taata, aita te fare pure e î faahou nei, aita te taata ànaanatae faahou nei, èita te feiä âpï ànaanatae faahou i te parau a te Atua, e aha te auraa te pöuri tera e hoì mai ra aita tätou i ìte te manaò nei tätou e tei roto tätou i te mmm ua faaorahia tätou aita te ora to te taata ia täpeà ra, to na täpeà pautuüturaa i te mmm e ära maitaì èita te pöuri e poroì mai e hoì faahou mai ò na e rave no reira te tïtauraa ia tätou i teie mahana e ère i te parau-naò-raa e ua naò mai te Atua ua mmm, èi ia mmm, ua mmm ò ia ua ö mai te mmm te vai noa ra ra te pöuri te auraa te tïtauraa ia tätou ia vai ära noa täpeà te mmm i horoàhia mai eiaha e faaruê hoê taime èita tätou e tauà, hoê taime neneva-rii-hia tei upoo tera pöuri ua hoì mai. E te pöuri, e aha te auraa o te pöuri o te pohe ia. No reira hinaaro tätou i te ora täpeà i te mmm, hoê anaè mea ora ai te taata mai tera ta Ioane e parau, ia mmm e ère no te mea te mau ra tätou i te pipiria a naò ai tätou e  ua ora te vai atoà te reira huru taata e ueue te pipiria e parau ai e teie te ora aita tätou e anihia ra e ueue te pipiria èita e ora ia ueue te pipiria hoê noa mea e ora ai, ia ìmi i te mmm o te parau, haamanaò na i te tahi mahana te parau ra o Ietu i te taata te ìmi ra òutou i roto i tera parau i papaìhia no te mea te manaò ra òutou e roaa te ora mure òre ia òutou te tanoraa te na mea i papaìhia no ù, èita ra hoì òutou e haere mai ia ù ra ia noaa ia òutou te ora mure òre no reira tera mau taata ueue pipiria faaeä e rorohi faaufaa-òre te reira a ìmi te mmm o te parau te reira te ora aita to roto i te ueueraa i te pipiria no reira èita te reira te mea anihia ra ia tätou, te mea anihia ia tätou a hiò te mea i papaìhia, e hiò i rapae, tei rapae  te tupuraa eiaha tätou e manaò e feiä taiò pipiria tätou ua ora tera mea i papaìhia o Ietu tera e haapäpü ra eie to na tupuraa i rapae, ia parau te Atua ua rahu ò na i te raì e te fenua, e hiò ia tätou i hea, e ra te raì, e ra te fenua a hiò maitaì e aha ta te Atua i tuu i nià iho te reira te ora e mea rahi roa te taata e parau ra i teie mahana èita e ora no reira te taata te horo i Tahiti pohe ai e mea haere e tii te ora, aita ra e ora ra haapaò e ua ruàu roa èita te ropa e maraa faahou ua hoì mai, èita te fenua e hinaaro faahou ua paruparu e aha ta na e faatupu, e faatupu ò na i te ora, aita no te tii mai i te pohe. No reira ia parau te Atua i te parau no te mmm tei o nei te mmm eiaha òutou e haere e ìmi i te vahi ê tei roto i te parau, te parau i fenuahia ai to òutou, te parau i î ai to òutou moana i te ïà te reira to òutou ora, e aha teie ta tätou e horo nei e haere e ìmi i te ora, ua hape tätou i te ìmiraa i te ora, e te ìmiraa i te moni. Àhiri mea ìmi te moni e haapäpü e haere e ìmi i te moni, maite peu no te ìmi i te ora te täataìhi noa nei òutou i te ora, no reira e aha te mmm te ùputa ia o te ora ìritihia no òutou te ùputa o te ora te toe noa te àraararaa te mata te raveraa e te haamaitaìraa i te Atua.

 
2. E aha Ietu e tano ai e  parau e, ò ia te märamarama o teie nei ao. E aha te Atua i òre ai i faaòhipa i te reira parau i nià ia na. E märamarama taa ê änei to te tahi i to te tahi.

Pähonoraa, e aha o Ietu e täno ai e parau e ò ia te mmm, e täno atoà ia parau e täno anei o Ietu ia Parau ò na te mmm e ia manaò òutou e täno o Ietu ia parau ò na te mmm, horoà atu vau te tahi hiòraa e haere òutou i rapae i te pö e möri pata ta òutou e möri pata maitaì e pata òutou i te tahi vahi e aha ta òutou e hiò, tera vahi me na reira te àma e aore te vahi e turämahia ai, ia faaroo anaè vau i ta òutou e,e,e,e tiaì noa ra te taime ia parauhia atu aita, àhiri ia pätahia te möri e aha ta òutou e hiò tera vahi mea na reira te àma, e aore ra tera vahi e turämahia ra e, mea mmm òutou no te mea te taata e hiò te vahi mea na reira mai te âma e pö to na mata, èita ò ia e ìte faahou te haapaòraa. Teie nei ia parau anaè tätou e i teie parau e täno a nei O Ietu i te parau e ò na te mmm o vai ta tätou e hiò ra e aore ra o vai ta tätou e hinaaro ra i te hiò Ietu e pö te mata òia te hiòraa o òutou i te pü o te mmm, te mea faufaa e ère i te hiòraa ia Ietu hiò ra te vahi e turämahia ra e ta na parau, ta na haapiiraa, ia hiò tätou i te Atua, ua parau te Atua, èi mmm aita te Atua i parau o vau te mmm te Tamaïti tera e parau ra o vau, e ìnaha te Atua te tumu o te mmm, e tumu o te mmm aita i parau o vau te mmm. Te naò ra tätou i rauaè ra i roto i tera uiraa mätamua te aniraahia atu e aha te mmm, te ùputa o te ora ta te mana o te parau a te Atua i ìriti. Te auraa e ère te pü o te mmm ta tätou e hiò, te vahi ra ta te mmm e faatoro ra te vahi ta na e faaìte mai ra ia tätou, e aha ta te mmm faaìte mai ra te fenua e to na î, te tai e to na î, te raì e to na î, te auraa tera ora ta te Atua i faaherehere no te taata, òia hoì te täpaò no to na aroha e to na here, o Ietu ua parau ò na o vau te mmm e aha te aura o te ra parau ta na o vau te mmm. Te mmm ta te Atua i faatupu e aha ta na e turäma ra, òia hoì e täpaò no to na aroha e to na here, tera mm tei riro te Atua èi tumu te faaìte noa ra i to na aroha e to na here i te taata o Ietu i te haereraa mai ua parau o Ietu o vau te mmm, e ère no te parau ò na te mea mmm aè, no te haapäpü ra i te taata e, aita e tumu i haere mai ai au i te ao nei no te faaìte no te turäma i te parau, no te täpaò note aroha e te here o te Atua i te taata no te faaìte i te taata a hiò i te aroha e te here o te Atua, tirara eiaha ta tätou e faarahi ia Ietu, aita o Ietu i haere mai ia faarahihia to na parau, te haapäpü ra o Ietu, i haere mai au i te ao nei ia ìte to te ao e mea tonohia mai ò na e te Atua. Te auraa te mau parau atoà ta na e parau e ère i to na parau no te haamanaò ra i te taata i te ôpuaraa faaora ta te Atua no na. E hiò i te ora ta te Atua i faataa no te taata, ia taiò anaè tätou i roto i te Taramo, te naò ra paì tera reo to te papaì Taramo, te parau hua nei te mau raì i te hanahana o te Atua, te auraa aita te Atua i parau ia na o na te mmm,no te mea o na te tumu no te mau mea atoà, te mau òhipa ra ta na i faatupu, ta na i rahu na rätou e parau ra i te hanahana o te Atua, na rätou e àrue ra, na rätou e faateniteni ra i te Atua no te mea ua riro te reira èi òaòaraa na te Atua, ia tae mai ia Ietu, ia parau o Ietu o vau te mmm, no te parau ia i te taata teie te mea e hinaarohia ra ia òutou, ia faateniteni atoà òutou i te Atua, ia àrue ia na, ia haamaitaì, ia faahanahana i to na iòa, te reira te auraa o teie parau, e ère ra e a hiò mai ia ù, aita. No te tauturu ä ia tätou ia òre to tätou manaò ia rara, haamanaò na i te tahi reo to Ietu, te naò ra o Ietu, o vau te èà, e èà, e vahi haereraa, o vai ia taata e hinaaro e haere i te tahi vahi e mataìtaì i teie èà, te taata e mataìtaì noa i te èà, päpü maitaì èita o na e täpae, aita e vahi ta na e täpae te taata e haere i nià i te èà e puhapa ai, aita atoà e vahi âpï no te reira taata. Te täno ra mau o te èà e vahi e haere te taata èita e faaea, te taata e faaea ua ère i te ora, no te mea aita ò ia i ìte te hopeàraa o te èà, te reira te mea e faufaahia ai te hoê taata ärataì, e taata ärataì, e teie ärataìraa ta Ietu, te manaò ra te tahi pae e, e paraparau värua noa o Ietu i te taata, aita teie ärataìraa ta Ietu mea na roto i te fenua i te haere, no te mea tei ô te ora, ta te Atua i faaìte mai i te taata, haamanaò na, ua ìte au mea mau maitaì ia òutou tera parau i roto i te Tenete, ia parau te Atua ia mmm, e aha ta te mmm e turäma ra, te raau, te reira raau te huero ta na e faatupu mai te maa ta na e horoà mai, te ànimara, te puaa, te manu, te ïà, e aha tera e ora, tera ta te Atua e hinaaro i te taata ia ìte, tera ta te Atua e hinaaro ia rave, e tera te tumu te taata i pohe ai, no te mea aita rätou i tiàturi e, tera noa aè ia ta te Atua e faaìte mai, ia òre ia rave i tera, mai te peu e parau tätou na roto i te reo i teie mahana, ia òre òe rave i tera e òre òe e tote i te ora, aita e ora, ia färii òe i te ora te haapäpü ra òe i to òe tiàturi i te Atua, ia rave òe ta na i faaineine na òe, ia òre òe ia rave, te vahavaha ra òe i te Atua, te manaò ra òe aita, èita e täno, hoê Atua mai teie, tera aè ia ta na e parau mai, e ère tera aè, tera ta na i parau e te haereraa mai te Tamaïti e aha ta na i parau, te haereraa mai o Ietu teie e parauhia nei o na te mmm, e aha ta na i parau, ia na i rave tera faaraoa, e tera hapaina uaina, a rave a àmu a inu, e ère i te maa värua e faaraoa e uaina, na tätou i manaò e, e maa värua teie, e toeà maa teie no nià i ta rätou àmuraa maa, e te Atua no te mea  te òhipa ta Ietu e rave ra, e ère no te mea a tahi ra teie òhipa a ravehia ai, te haamataraa iho ä to te Atua parauraa i te taata a hiò tei au èi maa a rave, a àmu ua parau te Atua a hiò tei au, a maìti te mea e au ia òe, aita manaò aè ra tätou èita e ora i tera, e haere i tahiti e tii te ora, teie te ora i ù nei, teie te täpaò no te aroha e te here o te Atua. Ia mmm tätou i te parau a te Atua e ìte tätou e, te naò ra te Atua a rave i te täpaò no to ù aroha e to ù here, eiaha e horo haere noa. Te taata e faaruè i te puna o te ora, e roaa ia na te aha te pohe, e na na noa o na i faaère roa no reira maite peu e ua parau o Ietu o vau te mmm e ère no te parau o na te mea mmm roa aè, ua parau atoà o Ietu i ta na mau pipi e ère i te feiä mmm, ua parau ra ia rätou òutou te mmm  te auraa te parau o Ietu o vau ta ù òhipa te faaìteraa ia i te taata teihea te ora ta te Atua i faaineine no na e ère, te ora ta te Atua i faaineine no òutou teihea roa, aita to ô, te vahi no reira òutou te vahi ta òutou i faaruè atu te vahi no reira mai òutou, tera vahi ta òutou e mataìtaì noa ra i te mau mahana atoà, a faì aè tei upoo nià e haari te reira te ora, eiaha e faahinaaro i te mea tei òre i horoàhia mai, a rave a àmu, a hiò tei au a rave a àmu, teòteò ra to te taata e aha ia teie noa aè ia tera ta te Atua i horoà no reira, i roto i teie reo no te Fatu te mea e hinaarohia ra ia tätou èiaha e faaea i te feruri e färii ta te Atua i horoà te reira te ora.

No reira no nia i te parau o te faaroo, teie reo to Ietu e parau ra, faaroo ia na e faaroo atoà i te Metua te auraa ia parau anaè o Ietu i te taata e parau o na amene, amene, e parau atu vau e aha te auraa teie feruriraa manaò. E parau mau teie ta ù e parau atu nei, i ô nei ia parau o Ietu e faaroo ia ù, e faaroo i te Metua, te auraa e tiàturi mai, tiàturi mai teie ta ù e parau atu nei, e tiàturi atoà tera ta te Atua i parau, e ère ia parau paì te Atua, a hiò tei au èi maa rave a àmu, te haamataraa te mau mea atoà tera ta te Atua i parau, tae mai te Tamaïti, aita ta na parauraa i taaè, a rave a àmu, tätou teie…. Aore ra aita tätou i maha e aita e parau huna ta te Atua, eiaha no te mea ua ìte tätou i te mau mea atoà ta te Atua i ôpua, ta te Atua ra i faaìte te reira te mea e hinaarohia ra i te taata e parau mau, färii, tià atu ai, eiaha e ìmi te tahi mea moè, te tahi mea te parau aita paha e faaìte-roa-hia ra te taatoàraa òia te parau mau tera tià atu ai. Teie nei e tiàmaraa to te taata haapaò maitaì mea faufaa tera parau i roto i te ôpuaraa a te Atua e tiàmaraa to te taata, no te färii e no te faatura e ère e täno i te hoê taata i te pätoì tiàmaraa tera na te Atua i horoà, e täno vau i te parau èita vau e hinaaro ite reira ora, e haere ia o na i te tahi vahi e ìmi ai to na ora. Ta te Atua ia parau tera a rave tiàturi mai e ora, ia òre e parau taaè, tera manaò ia hiò-anaè-hia mai te reira rii te mea ta tätou i ora mai, haamanaò paha tätou tera i ravehia mai e tae mai i teie nei, e au te faahoì-faahou-hia ra. Aita tätou e faahapa ra i te mau vahi i ravehia mai, noa atu e rave rahi te manaò paraparau, te mau òhipa i ravehia mai e te mau mitionare. Horoà noa atu vau te tahi hiòraa ìte maitaìhia e òutou tei roto nao iho ä i te pipiria tera parau no te tamaïti i haere i te fenua roa e ère teie tera tamaïti tei roto o na i te oraraa faanaò ua manaò e haere e hiò e aha te mea vai ra i ô mai, i ô mai i te äau, ia moè atu o na i tuä, e haere i te rooraahia i te fifi i reira i te haamanòraa e hoì paha i te fare, te auraa mea maitaì atoà ia tätou ia na reira i te haere, te auraa ia roohia i te fifi e te hepohepo, ia hamanaò mea naò te hiòraa a te mau metua i mua ra e ère te mea ia e parauhia nei ia tätou i teie mahana e tera faahouraa ia tätou, e faahoì ia tätou i hea hoê taata ua mäorö i tahiti, ia hoì mai o na e aha ta na e ìte i ù nei, e aha te vahi âpï ta na e ìte, aita tera iho ä ta na i faaruè, tera ta òutou e himene ra te òmoto e te paru e ora iho ä ia, te reira ta na e ìte ia hoì mai, maite peu ra e parau taua taata ra aiä taua ma mea ïti noa hoì, aita ia o na i färii i te aroha e te here o te Atua. A rave te täno noa ra te parau a te Atua ia tätou a hiò tei au a rave, te auraa te vai ra tera mea tätou e ìte ra eiaha no te mea ua täòtiàhia te aroha e te here o te Atua i nià i tera e täno ia faarahihia atu ä haamanaò te rahu ra te Atua ta taìhitu o na i te parau noa raa mea maitaì, mea maitaì, e täno atoà òe i te faarahi i te maitaì, tera i noaa e täno e faarahi faahou atu ä e ère no reira tera i orahia mai e te mau tupuna, rätou ua färii rätou i to rätou fenua, ua here rätou i to rätou fenua, e vahi faufaa roa atu na roto rätou i te here i to rätou fenua, mea na reira rätou i te ìteraa i te Atua, e no to te Atua mauruüru rahi ia , ua horoà te Atua ia rätou i te mana, ua faaroo te ïà, faaroo te mataì, faaroo te miti, te mana ta te Atua i horoà no te mea ua tiàturi rätou e ua here rätou i te horoà a te here Atua i teie mahana te paraparau i te ïà e märö te vaha i tahatai aita te ïà e haere mai, no te mea o tätou tera e hinaaro ra e faanaho, aita tätou e vaiiho ra ia î tätou i te aroha e te here o te Atua. Maite mea i teie mahana, ia hiò tätou e au ra e te faahoìhia ra tätou i nià i ta tätou e aore te parauhia ra ia tätou a rave faahou i ta tätou no te aha no te mea mai te haamataraa tera te ôpuaraa a te Atua no òe e te Mäòhi, ia hoì faahoì òe i te fenua ra, ia hoì faahou òe ia na ra, ia here òe ta na i horoà mai, ia here òe ia iho te ra te täviri o te ora, hinaaro òe i te ora here i te Atua, here i to òe fenua, here ia iho ua ora òe tei ô te ora ta te hinaaro ia ìte òe i teie mahana, färii òe, e ora òe, aita òe e färii na to òe tiàmaraa e turaì ra ia òe i te faaotiraa èita te ora i te aha ta te Atua ra, a hiò tei au a rave a àmu.    

Ia hiò-änaè-hia te haamanaòhia ra tätou, ua hinaaro te Atua ia ora faahou te taata, tätou i teie mahana te hinaaro tätou e faaora i te Atua te auraa te ora ta na e parau mai ra a rave aita i ravaì, maite peu aita e moni, maite peu aita ta te taata èita e ora, mea òhie roa e maìti tätou ta vai ta tätou e rave ta te Atua ta te taata navaì e faanaho to òe oraraa, na te Atua na te taata maite peu na te taata te mau vahi atoà, moni,moni,moni i roto i te mau ètärëtia, manaò vau i roto i te mau ètärëtia aita anei i peehia e tera maì hamama änaè te vaha e moni, e moni, e moni. Aita te Atua, te Atua e raveà noa ia matara mai te moni na roto i te pute o te taata e parau ta ù e parau atu nei, e ère ua ìte maitaì atoà òutou, aita te Atua e hinaaro i ta òutou moni, èita te Atua e hinaaro e èia ia òutou, ta te Atua i hinaaro a rave te ora ta ù i horoà atu, te moni e parau taaè to na, eiaha to na parau ia tuuhia i mua naò mai paha ia òutou àhani pai aita te ra mea maite peu tera rahiraa uì te oraraa mai to tätou mau tupuna aita e toata e paapaìna i roto i te pute. Ua ère änei rätou i te ora, aita e parau mau, e parau mau, te feruri tävana ra o Fere, ìmi te òhipa faatupu i te òhipa, e piti faanahoraa, ta te taata ta te Atua, tei roto i ta te taata èi moni, haamau te tahi mea èi moni, i roto i ta te Atua, a hiò tei au a rave a àmu, èita e tuàti, aita vau e parau e mea faufaa òre te moni, o vai ra ta tätou e tuu i mua, te Atua te moni tei ô tätou e ère e aha te auraa, e ère no te maìti noa, te tïtauhia ra to tätou faaroo haapäpü na no vai òe te parau o Ietu i te tahi mahana i te taata e ère òe no ô nei ia ù nei, no ô mai ia, maite peu no roto òe i te ìmiraa moni e haere ia e ìmi i te moni, maite peu e, no te rave i te täpaò no to ù aroha e to ù here a rave mea horoà noa, na tätou e hiò, teie rä aita e parauhia atu ra e vaiiho noa i ta òutou uto ia uto-noa-hia na ua hinaaro te tahi èi puha èi moni ua navaì o na i te reira, ua hinaaro te tahi e haamau i te àua ïà ua hoo ua riro aita i riro èita o na e pohe i te poìä te reira paha te mea täno ia hiò tätou i teie mahana, maite peu te taui ra te Atua i ta na ôpuaraa te hinaaro nei to tätou nunaa, no te mea ia ìte mai tätou i roto i te tereraa o te tau, teie tau ta tätou e ora nei i faahiti parauhia ai te parau o te moni e täninito tei upoo o te nünaa ia faaroo i tera rahiraa moni, aita hoê pene e haere mai ia na ra te tiàtià a te taata e tiàtià huà roa ia tae mai i räro te hauà noa ta òe e ìte, e, e, no reira te vai ra tera, e te vai ra ta te Atua, e maìti tätou, aita vau e faahapa ra te mau ôpuaraa a te mau tävana, te mau faatere o te fenua. Teie te reo o te Atua a hiò tei au èi maa a rave a àmu e rä te taata ua haamata i pohe i poìä i tahiti, aita e rave e hoìraa ai io rätou, e au rätou, e ô tätou atoà i teie mahana i te nünaa Itëraèra tei ärataì i te fenua e ora ai ò ia e haere i ropu i te metepara e taì ai i te òniani a to Àifiti hinaaro e hoì faahou i muri, aita ua haere anaè i te Atua ra, eiaha e taì faahou tei faaruèhia atu e haere i nià i tera e faanahohia mai ra no reira e haere tätou i ta te Atua ra e hoì i nià tera oniani a to Àifiti a haere, ua haere änaè i tera ua ère ia i tera, e ère no reira a hiò e tiàmaraa ta te Atua i horoà no te taata to na rä reo aita i täui a hiò tei au a rave a àmu, te auraa ia hiò änaè hia, e ora to òe i te Aroha e te here o te Atua, maite peu ra e parau te tahi e mea faufaa aè ia, maite peu ra aita e moni, aita, èita te aroha e te here o te Atua ânoì päpehia te vai ra te taata ta rätou uaina mea ânoì päpehia, te aroha e te here o te Atua eiaha e ânoì päpehia, a rave mai tera i horoàhia mai e aore rä a vaiiho atu.

 
 3. Ietu, te parau maitaì ia no te aroha e te here o te Atua i te taata, aore ra te Èvaneria ora  a te Atua. E tano änei ia parauhia e, te fenua, te Èvaneria ora ia a te Atua.

Haamanaò ra  tätou e, o Ietu tei parau ia na e mmm, e naò atoà ra ia tätou e te reira o te mmm, no te faaìte i te taata i te täpaò no te Aroha e te here o te Atua i te taata, te auraa tera manaò ta tätou i parau-iho ra, tera ia ta tätou atoà i te parau e èvaneria, òia hoì te parau no te aroha e te here o te Atua, ta te taata ra o Ietu i faaìte, ta na ìmi i te raveà ia mmm mai te taata, aita ra hoì te taata i mmm roa, mai te reira iho ä, e ère te mea rahi te feiä i âpee ia na, mea ra tei täpeà i ta na parau tei parau ta Ietu i ìmi i te raveà ia mmm, te ra parau e naò ra e èvaneria. Ua haamata e mai na, ia òre pai tätou ia manaò e, te èvaneria ua haamata i te tau o Ietu, mai na nià ia Ietu te haamata te parau o te èvaneria aita, aita, ua haamata e na mai na te parau o te èvaneria, i te taime te Atua i rahu ai te raì e te fenua. Ua parau te Atua, ua tupu, ua faaìte mai te Atua mea maitaì, te reira maitaì e ora no te taata. E aha te èvaneria e parau maitaì no te aroha e te here o te Atua ia tätou, te ra mea e haati ra ia òutou, ia ìte òutou ua tupu e èvaneria, e parau maitaì no te aroha e te here o te Atua ia òutou, tera mea e faaî ra i te miti e évaneria e parau maitaì, òia hoì te tahi mau täpaò ta te Atua i tuu mai, ia noaa i ta tätou haamaitaìraa ia na i te mau taime atoà, e i te mau vahi atoà, te mea te ìte ra tätou eiaha, maite peu e rave tätou i te ïà, te ïà e ère no te faaî noa i te ôpu o te taata, faaòre i to na poìä e ère. Ia roaa ra ta te taata haamaitaìraa i te Atua na roto i teie ïà i reira e faufaahia ai. Te mau mea atoà e faaî nei i te fenua, e ère no te faaî noa i to tätou ôpu, ia roaa ra ta tätou àrueraa i te Atua, no to na aroha e to na here, e, e parau maitaì, e parau maitaì tera no te Aroha e te here o te Atua ia tätou, ôpanihia atu ra e tätou i roto i te puta, naò ra ia tätou te èvaneria tera ia i papaìhia e Mataio, Mareto, e Ruta, aita ua papaì e na te Atua, te Atua tei haamata i te papaì, àhiri tätou i haapii faahou a na ra ia tätou, ia ù i hiòhiò mai i na pö ra tera mau tamarii tei faatamuhia i te parau, te taiò mai ra rätou i te èvaneria no to òutou mau fenua, òia hoì, e parau no te aroha e te here o te Atua te auraa ia. Eiaha tätou e hiò noa mea nehenhe roa e parau tämau, ua mau ta te tamarii aita, a òaòa no te mea na roto i te tamarii o te Atua ta òutou i faahinaaro ra òre noa atu òutou e ìte, te reira te mea e hinaarohia ra ia tätou i teie mahana, ia hiò i te fenua no reira mai tätou, eiaha tätou ia parau noa e, no ô nei to ù pito i te täpuraahia, e maite peu ra te fenua èita e riro te vahi e noaa ai ta tätou haamaitaìraa i te Atua, ta tätou àrueraa, ta tätou faateniteniraa i to na iòa faufaa-òre te reira, te faaäpiäpi noa ra tätou i te fenua, afeà na tätou i te faaäpiäpi noa na i te fenua. Ia î te fenua ta te Atua ia haamaitaìraa i te taata, e faaî te fenua, e faaî ra i te taata tei ìte i te haamaitaì e te àrue i te Atua. Maite peu e î noa te fenua i te taata haapaòraa òre e te òhipa i ìno ua mauà e ère no reira, ua täno ia haapiihia te tamarii, no te mea tera mea naìnaì mea mä to na âau, òhie o na i te àrue e te faateniteni i te Atua, tera mea paari, aita e tapuà rii na mua, no reira te vai te tuhaa ta tätou e rave, tarahapa, färii faahou te hoì i roto i tera huru to tätou, tera huru i horoàhia mai, e ère na òutou i maìti, tera te huru i vaiihohia mai a rave i tera huru, e a faaòhipa, ia noaa tätou haamaitaìraa, e àrueraa, faateniteniraa i te Atua, eiaha i te mahana pureraa noa. Maite peu ua ìte Mäòhi i te reira mea, te mau vahi atoà te haere, te mau òhipa atoà ta na e rave, e haamaò iho ä o na i to na Atua, te reira te mea e täno faahou ia tätou i te rave i teie mahana. Tätou e te feiä paari, òutou e te feiä âpï, eiaha òutou e teòteò noa i to òutou âpï, faaòhipa ra i te reira âpï, ia ìtehia te vahi âpï i roto i ta òutou haamaitaìraa i te Atua, faufaahia tätou e ìte mai. Faaroo atu ra i àrauaè ra tera Taramo i te himeneraahia mai, te aroha e te parau mau ua farerei raua, te parau tià e te hau ua hohoì raua, e tupu mai te parau mau no roto i te fenua, e ia färii tätou i tera parau mau no roto mai i te fenua, te hiò mai ra te parau tià mai nià mai i te raì, e aha te auraa, tera färiiraa tätou i tera parau mau ta te Atua i tänu i roto i te fenua, e taiòhia te reira èi parau tià na tätou. Te auraa ua ìte te Atua ua mau ia tätou, no reira a rave tera horoà ta te Atua ia tupu te parau tià a te Atua, ia mauruüru te Atua, ia mauruüru änaè te Atua ia rahi atu ä ta na ia ninii mai, no te mea te ora ta tätou e faanaò nei, na te Atua i ninii mai, e aha te auraa maite peu na te Atua i ninii mai, e täno atoà o na ia täpeà horo atu ai tätou i hea, no reira a rave ia rahi atu ä ta na e horoà mai. Mea na reira pai ta te Mäòhi, eiaha atu paha i ù nei io òutou i te Tuamotu nei, èita pai òutou i te mea àmu roa i te ùru. E ère e parau noa atu vau, i roto i te tiàturiraa o te Mäòhi, maite peu e ùru ta na, ia rahi ta na horoà e rahi te hotu o teie ùru, ia pipiri o na, e pipiri atoà te fenua i ta na horoà. Te auraa te mea ta te Atua e hinaaro ra i te taata ia faatupu i te parau no te aroha e te here, no te mea tera maa i tuuhia mai ai no te faaìte i te aroha e te here o te Atua, e aha ta te aroha e te here e faatupu mai, e aroha e te here, tera faufaa a te Atua i horoà na òe e te Mäòhi, tera atoà ra te faufaa ta òe i haaamata i te haapae, no to ò faahinaaroraa i te huru o te popaa, tera atoà te mea i fatifati ai òe i teie mahana. No reira hinaaro òe i te ora a rave tera faufaa ta te Atua i horoà na òe ora faahou i roto ite aroha e te here mai tera te Mäòhi, no te mea tera te faufaa ta Atua i horoà na na. A hiò tei au a rave, a rave a àmu, e aroha te reira e te here no te Atua.

Mauruüru roa vau ta òe mau uiraa, te faaìte noa mai ra i te rahi to òe hinaaro i te mmm, manaò òe te àà mai ra òe aita. E parau noa atu vau, ia àmu òe i teie aita òe e hinaaro faahou e haere e tävana, mai teie ia hiò ta tätou i te faanahoraa i reira tätou i te äratoraahia täno maitaì tera numera e iva àhuru e to tätou pohe, ua hinaarohia, ua ìmihia te raveà ua tae, e tiàturiraa tera no te taata èita o na e ora maite peu aita o Färani, tera mea i tahiti, tera âpooraa rahi i Tahiti ua tae òutou tera ia täna e faahaa manaò noa mai ra, e ua tiàturi-iho òutou e pohe òutou. A hiò na ia Rapa i roto i to na atea e täno te pahi eiaha e tere i ô e ora noa te Rapa; òutou ia òre te pahi e tae mai na ô nei, ua haamata òutou i te auë. Te tahi tau aita i maoro roa anei, ua pau teie mahu ahi, ta tâtou e parau nei e gaz, to Moorea hepohepo i te rahi no tera mea aita teie taoà, e ère note mea aita teie taoà, èita te vahie e àma faahou tera ia ta Moorea ia aue, hoê ä paha e ô òutou atoà. Ia ù i haere i ànanahi rä ai ta e purou to teie fenua, teihea ta òutou vahie te mahana aita e pahi e uta mai tera mau täuihaa, naò o na tätou, ua tae mai ai, ua noaa mai ia aita e àma noa, maite peu e tarere òutou ia òre tera e pohe òutou e pohe iho ä mea päpü, maite peu ra e täui to òutou feruriraa, aita tera, aita te Atua i faaruè ia mätou te vai ra ta na hinaaro te färani e hoì, a hoì atu paì e ère no te färani tätou i ora ai, naò tâtou i teie mahana auaè o färani i maemae roa ai tätou. Aita tätou i ateä roa atu i te nunaa Iteraèra, te naò atu ra vau ia òutou te vai ra ta te Atua ôpuaraa faaora no òe e te Mäòhi. Eie òe taì nei i te oniani, ài-ti-ä ta te Atua ôpuaraa faaora i hohorahia mai ra i mua ia òe ua haamata òe i te auë, e aha atu ai ia i te mahana e pau, no te mea tera mau pahi e uta mai ra i te maa ànanahi e mau e parau päpü teie ta ù e parau atu nei ia òutou. Aita e pahi faahou e aha e ora òutou ia aue haere noa èita, èita e rä o färani ua meùmeù te tärahu a färani te fifi rä o färani i teie mahana, te fenua färani o na iho tera e fifi i teie mahana, o te tahi hau tei meùmeù noa te tärahu ia tae i te tahi faito ia manaò paì òutou e nounou mai o färani ia tätou, aita e faaora o na ia na na mua no reira a faaora ia òutou i teie-nei-raa ra, e ère ia täpeà anaè atu, ua mätau faahou òutou i te àmu i ta òutou no te mea e parau mau iho ä te parauhia mai ra ua faaruèruè rii, e aore ra ua faaruè rahi roa, òia a hiò noa na i nià i te mau tamarii, tera mau tamarii, tera mau mootua ta òutou e faaàmu ra i te twisty, i mua aè nei e uto te horoàhia i nià i te rima, i teie nei e twisty, aita teie mau puèraa mootua e mauruüru, no reira hinaaro òutou ia ora ta òutou mau puèraa mootua faaea i te horo i tera mau puèraa maa. Ua taì mai anaè ra horoà atu te vï, maite peu e vï, horoà atu te uto, horoà atu te tuvava, haamatau rii ia rätou, e ère na tätou atoa iho ä ra e faaineine ra i to tätou pohe. No reira ta te Atua e ôpuaraa faaora i hinaaro, taata i hinaaro e haere mai, te taata rä aita i hinaaro faaea noa atu, èita te Atua e tatapapa faahou i te taata, haere mai tatapapa mai e ora, e ora tätou, òutou roa aè te mea faanaò roa aè, e ora òutou, e ora atoà mätou ** e farahi ia te reira parau, te reira te mea e haapäpü, e haapäpü i to tätou ora ta te Atua i horoà mai, e ua hau roa atu hoì, e aha te auraa maite peu te hoê taata ua färii o na i ta te Atua i horoà, e te vai atoà ta na òhipa tä àvaè, ua tä taìpiti ia o na i te âpïraa, e tera hoì aita e òhipa àvaè aita atoà o na e fifi ra, tera e puha ra, tera e ìmiìmiraa ta na e pupu anei, e te tahi mea, mea na reira paì ta te mau ruau i te mätamua te moni, te moni rii e roaa ia rätou, hoo tihota, hoo taho, hoo pareu ua pee anaè atu tera, aita e òhipa faahou ta rätou e hinaaro no te mea te toeà e te taata atoà na te fenua e horoà, na te miti e horoà, e ère mea na reira ta tera mau ruau, te moni, hoo tihota, hoo taho, hoo pareu, no te mea e pareu paì ia rätou, i teie mahana te feiä âpï e hinaaro i tera mau piriaro papaìhia tei iòa no tera mau òna no te ära mai, te auraa na rätou e faaòna ra ia rätou, èita e hinaaro i te piripou aita i papaìpaìhia a rave noa paì te peni a papaìpaì na nià iho tera ia te tahi mau manaò rii.  

 4. E aha Ietu i tae roa ai i te parauraa i te hotu o te fenua e, o ta ù tino tenä; o taù toto tenä. E tano änei e parau e, te Atua e te mea faatupuhia e ta na Parau, hoê ä ia.

Ietu tera e parau ra i ta na mau pipi, teie mau pipi ta na e ère i te feiä marämarama mai tätou e manaò ra, ia parau-anaè-hia, e mmm, aita rätou i haere i te mau haapiiraa teitei, aita, feiä taià, feiä riirii o rätou mau ta Ietu i parau e òutou te mmm, e täno atoà ia parauhia ia òutou e te feiä âpï i teie mahana òutou te mmm o teie nei ao, maite peu e e rahi roa teie nei ao no òutou, faanaìnaì rii mai ia, òutou te mmm i Tuamotu nei e aha te auraa, aita o Ietu e parau ra e òutou te mea mmm aè e ère te reira maite peu ra ua ìte e ua färii te taata i te parau no te aroha e te here o te Atua ta te fenua e faaìte noa ra, ai te mahana tuä te mea anihia ra ia òutou e parau, e parau i te mau vahi atoà ta òutou e tià, te mau rururaa atoà ta òutou e âmui atu e parau i reira òutou e riro ai èi mmm, maite peu e àma noa òutou i te fare a-ti-à ia, maite mea e àma atoà i te vahi è mea maitaì roa atu ia, ia parau ra aita teie parau i ateä roa atu tera reo to te Fatu e parau ra e, e haere òutou na te mau fenua atoà, mai tera ta ù i parau atu i àrauaè ra, rahi roa teie parau te mau fenua atoà, naò ia a tere na te Tuamotu e i te mau vahi atoà ta òutou e täpae atu a parau atu i te taata i te parau no te aroha e te here no te Atua a parau i reira òutou e riro ai èi mmm, i reira teie parau e riro ai èi parau no òutou, naò noa na tera mori ta tätou e parau nei e rämepa, tera mori ia àma anaè i roto i te fare, ia manaò anaè òutou e hia taata e mmm, tei te huru ia te rahiraa taata e ora i roto i te reira fare, ua hau ra i te hoê e piti te ïti roa, te tane te vahine, maite peu ua fänau i te tamarii e toru e maha, e faito rahi roa àhuru paha, àhuru ia taata tera i mmm i tera mori hoê, taiò atu vau e hia òutou, te vai ra no Arutua, Rairoa, Mataiva e to ù nei, tera hoìraa atu òutou paurua òutou e àma no te mea te parau no te faaìte i te aroha e te here o te Atua i te taata, e hia taata e mmm ia òutou tirara mea e anihia ra ia tätou i teie mahana eiaha e täpeà, eiaha e huna e faaìte a parau, eiaha e ìmi i te raveà ia tiàturi te taata e àrohia mai òutou a parau noa ua öti atu ai, no te mea te òhipa ta te Atua e horoà mai nei ia tätou e ère na tätou i faatupu, ta tätou i te parau te na reira rii atoà ra o Pauro i te hiòraa i ta na òhipa te vai ra o na, te vai ra o Àporo, ta na te ueue, ta Àporo e aha ta na òhipa te pîpî, na te Atua ra e faatupu no reira a parau eiaha òutou e haapeàpeà te tupu e tei òre i tupu, ta òutou e parau na te Atua e faatupu, no te mea e ère tera òhipa ta òutou e rave ra, ta te Atua ra no tera mea ua parauhia òutou te mmm o te Tuamotu nei, e ère no reira faaitoito i te àma, maite peu te tahi taime èita e àma, no te mori te hape, ua repohia te hiò, ua pë te veo, potohia te uiti tarere noa i roto i te aore, a rave te uiti huru roa aè, e a tuu te maa i roto i reira te reira mori e àma ai, a àma, te vai te reira òutou a parau, faaìte i te aroha e te here o te Atua, ta te fenua e faaìte noa ra, e riro ia òutou èi mmm no te Tuamotu nei, mauruüru.

Ua rave mai o na i te färaoa, ua rave mai te uaina, ua paìä rätou toeà maa tera, te färaoa e aha te färaoa e titona tei tävirihia, e ta te paari o te taata i rave faaineine i oti mai ai èi färaoa. Ua rave i uaina, te uaina e vine, te tahi atoà ia raau, a te vai atoà i teie pae ia òutou i teie nei ua rave o Ietu i te reira ua parau a ïnu to ù toto te na, manaò anaè au, tei o nei, eiaha no te e parau âpï teie ta Ietu e parau e ère e parau tähito. Hoì faahou mai au i nià i te uiraa mätamua ta tätou, te marämarama, e aha te marämarama, te ùputa o te ora ta e mana o te parau a te Atua i ìriti, te reira ùputa ua faaìte te reira i te aroha e te here o te Atua i te taata, täpaò no te aroha e te here o te Atua i te taata. I tae mai ai o Ietu e aha ta na i rave, te mea ta te feua i faahotu mai, e ua parau o vau tera to ù tino tera o vau tera, a àmu o vau, e ère tera tino ìò, ma te toto tera e parauhia e àmu èita ia e täno, e àmu taata te reira, ère, e ère te reira, ère te mea ra ta Ietu e parau ra o va òia hoì, naò tätou e aha o Ietu, e parau no te aroha e te here o te Atua i te taata, e aha te fenua, te parau no te Aroha e te here o te Atua i te taata, te mea ta te fenua i faahotu mai, te parau nei te Atua a rave a àmu, te mea ta te fenua e faahotu mai te parau nei a rave a àmu e a ïnu e ua haapäpü roa mai o va tera, maite peu e a-ti-ä tätou, eiaha no te mea aita tätou i mmm, aita i taa atu ra i te mmm, hoê vahi, hoê anaè vahi e noaa ai ia tätou te mmm, hoì i roto i to tätou parau to te Mäòhi. Ua rahu o Taaroa i te fenua o te Mäòhi te haamataraa e huero, te òhu noa ra i roto i te aore, ua tüpaì o Taaroa i teie huero ua parari, haere mai nei o Taaroa i rapae tuoraa ia o vai to nià na e aita i pähono mai, o vai tei räro na e, aita atoà i pähono mai, e teie nei ua àu, ua àu o Taaroa i nià roa, e ua àu i räro e, e i räro roa, aita. Haamanaò na i rauaé ra e, te parau atu ra vau e te rahuraa te Atua i teie nei ao no te päpe te parau e päpe. Teie ia àu o Taaroa i nià roa, e i râro roa no te mea tei roto i te päpe e aha te òhipa ta Taaroa i rave, tera àpu to na ua huri o na i nià, te àpu te reira o te raì, ìriti mai na te tähi paa âpï ta na i faariro èi fenua, èi päpä no te fenua, e ua horoà o Taaroa i to na tino, to na huruhuru, te raau ia o te fenua, to na maiùù te poä ia o te ïà, to na âau riro mai nei èi puhi e èi oura, ta òutou ia oura miti, e te ahuraa te toto o Taaroa pee anei i nià i te raì riro mai nei èi äta ùteùte, e èi änuänuä, to na anaè upoo ta na i òre i horoà no te mea, mea moà, e aha te auraa to òe fenua e te Mäòhi, o Taaroa, o to òe fenua o Taaroa. Fenua moà to te Mäòhi no te mea, tei o nei te Atua, tei roto i te fenua o na te fenua, o na to òe fenua, no reira ia parau anaè o Ietu e, a àmu to ù tino te na, maite peu o Ietu e Tamaïti na te Atua, te parau noa mai ra, ta òe e àmu i te horoà a te fenua, te àmu ra òe i to òe Atua, te àmu ra tätou i te täpaò no te aroha e te here o te Atua i te Maòhi e ère. Te tiàturi ra vau tätou te mea òhie aè i te mmm i teie parau, te tähi hiòraa e èita tätou e hinaaro i te mmm mai te reira atoà paì te taata, te vahi te reira te mmm, e hutihia mai ia te päruvai ia pouri. Tera ia naò anaè tätou i hiò te fenua te atua ia, to òe fenua, aita vau e parau ra to vetähi fenua, te fenua o te Mäòhi te Atua iho te reira, e ta te fenua i horoà mai, e horoà ia na te Atua; tera ia te mea o Ietui parau ai a rave a àmu o to ù tino tena o vau tena, te aroha e te here o te atua, a rave a ïnu o vau tena te aroha e te here o te Atua, aita o Ietu i haere e, aita ua rave noa, tera mau maa ta te fenua e faahotu ra, te päpe no roto mai i te fenua te Atua te reira, to na aroha e tona here ia òe e te Mäòhi, te reia to na hinaaro ia òe e te Mäòhi, ia ìte òe,e ia färii òe i teie mahana. E ère te vai ra te òhipa aita e au, e aita e au i tera mau parau, ua ìte òutou e aha te tumu, e ère no te ôroà a te Fatu, no te hinaaro uaina, no reira aita rätou i hinaari ia faaòrehia, eiaha e ânoì tera e parau no te Aroha e te here o te Atua i te taata, to òe hinaaro e haapau tera uaina i te hopeà o te ôroa e parau taaè ia e ère te reira no roto i te ôpuaraa a te Atua, te mea te reia ta to òe âau popore e hinaaro ra eiaha te ra mea ia mauà, e ère aita te Aroha e te here o te Atua tera ia,  e aita òe i ravaì i tera e hinaaro òe i ta òe faragui haere ia a tii e parau taaè to na, e ère no reira te fenua te faaìte noa ra i te aroha e te here o te  Atua i te taata te reira ta Ietu e parau atoà noa rä. Ia parau tätou e ua tiàturi tätou i te Atua, ua tiàturi tätou ia Ietu, èita e färii e haavare, huru haavare na tätou no reira faaeä i te haavare, a rave i te Aroha e te here o te Atua, te Atua Metua te parau ra a rave a àmu, te Tamaïti te parau ra a rave àmu, no te aha tätou aita e hinaaro e rave, a rave e aha te auraa, e täno òutou e haamata i te feruri ta òutou ôroà e täno atoà òutou e rave i te hotu o te fenua, te aroha e te here o te Atua ia òutou, e ère tera päpe èreere e vaiiho ia no te tähi atu mau taime tera ia.

 Faae noa e tävana,te uiraa nahea tätou e täpae ai, e faaäu rii vau ia tâtou i te tähi mama ruàu, aita vau e faaruàu atu ra ia òutou, e ìnaha e rururaa teie na feiä âpï e hiòraa noa teie a hiò mai tütonu mai te manaò te vai ra te mau mama ruàu rii to tätou, tei nià i te titeàmata i te ihu, a ìmi mai na teihea to ù titià, tei niàraa rä i te ihu, te ani ra e aha te raveà e täpae ai ua tae e na òutou, aita ra e hinaaro e ìte ua tae, ia òre òutou e ìte ua tae, e tiàturi iho ä òutou ai-ti-ä i täpae, ua tae e na òutou, maoro noa te ìteraa e ua tae. Te auraa a hiò a rave mai tera iho ä paì ta te Atua e parau ra, a hiò a rave a àmu. Ua tae e na òutou èita ra òutou e hinaaro e ìte ua tae òhipa òutou ia te reira, o Iteraèra mea tae e na i roto i te ôpuaraa ta te atua e faaora ia na no tera ra mea aita e hinaaro e ìte faaòhu-noa-hia atu ra i roto i te metepara e maha àhuru mätahiti, aita vau te manaò te hinaaro nei òutou e maha àhuru mätahiti faahou, e ìnaha ua tae, ia ìte ia ua tae a rave àmu.

Hoê parau mai teie ta tätou i hiò mai nei i teie taime, a tähi te tuuraahia e faatupu iho ä ia te uiui. Fatata paì hoê parau no te nehenehe, e ère paha tera e uiui te manaò e aha te raveà, a tahi parauraa, a piti, a toru, na te mmm o te parau tätou e ärataì, te Atua tera anaè ta na raveà, e parau, e parau teie mahana ua âmui mai au i roto ia òutou no te faanuuraahia ta òutou taiò mahana rururaa, ua matara vau no te haere mai. Te tiàturi vau e e ère teie te hopeà no ù i te parauraa ia òutou, e ère aita vau e peàpeà ia òre tera parau ia ô, ua ìte ra vau e tera i ô i roto i to òutou tärià  e òhipa atu tera parau i roto ia òutou, noa atu èita matara i teie nei aita e peàpeà, e tupu ra te mea ta te parau e hinaaro ia tupu, no reira vau i te parau e ua tae e na òutou, o vau ua täpiti, ua ta toru paha te parauraa, i reira e ìte ai, e färii ai e ua tae, e ère e aha te mea i toe ia òutou, e aha ta òutou e ìmi, òutou ua haaàtihia òutou e te ora, te taataahi noa ra òutou i te ora, aita vau e parau te taataahi noa ra òutou i te moni, no te mea e ère na te Atua te reira na te taata te reira, ua hinaaro te taata ia faanahohia to na oraraa èi moni, e èi moni ia, èi aha ra te moni ia tuuhia i mua, te Atua i mua, e töpa atoà mai te moni, ua horoà atoà mai te Atua i te moni, mau taata e hinaaro i te moni eiaha e parau e e monihia aita ia, no te tatara noa i to tätou mau fifi e, ua ienine te atua i te tauturu e, ua ìte atoà ra hoì tätou te raveà noa a tähi parauraa, a piti parauraa, ia au paì tera reo to te papaì Taramo e parau ra e, e ramepa ta òe parau i to ù àvae, èi turäma i to ù èà, teie a tahi ra a tutuìhia ai aita ra e àma maitaì ra. Te tâhi taime na òutou atoà e hohoroi te hiò a hiò atoà ua ìno te veo a täui, ua poto roa te uiti, a tuu aè te tahi uiti huru maitaì aè, i reira teie mea e àma ai, èita e üra e àma, no reira a tähia farereiraa to tätou, ia tià i te Atua e farerei faahou ä tätou maite peu taata è te haere maira hoê ä parau ta na e àfaì mai, ia täpiti, ia ta toru ua oti ua ìte te reira noa te mea e toe ra.

 5. Òutou te märamarama o teie nei ao: E aha ta teie parau e faaìte mai ra. E aha te tïtauraa i te taata i färii i taua märamarama ra.

E taiò i te mea i parauhia, ia naò anaè tätou, haamanaòhia atu ra e vau te tähi mau parau, e mau parau hoàta o Taina, o Taina paì muri aè i to na raveraa i ta na òhipa ìno i te täparahiraa i to na teina e ua haere, e muri iho te parauhia ra ua fänau, tätou nei te Mäòhi mea òiòi roa te manaò i te hämani, aita hoì e taata faahou i nià i te fenua nohea ia ta na i te noaraa, ai ia te òhipa ra ua pata i nià i te ùri taata, e manaò taata tera e haere ra, ère te häniraa te Atua i teie mau ànimara ua ärataì mai ia Atamu ra, ua parau e maìri i tei iòa, aita o na i parau e rä iho te iòa a tämatamata iho, a hiò tei au i te manaò, ère, ère te reira, ua parau noa te Atua ia maìri i te iòa, ua maìri iho ä o Atamu, aita ra o na i tera puèraa, e aha ta Atua e hinaaro ra, te hinaaro o te Atua tera ia tätou paraparau ia ìtehia ia äna i te tahi tauturu, eiaha ra i te tahi, tera ia ta ù i parau atu faaòromaì rii àrauè tätou e hiò ai te parau o te vahine

 
6. Mataio 5,15, Itaia 53,2, e aha te tüàtiraa i roto i te parau o te rämepa e te ohi i te repo marö. E aha te vähi i riro ai Itaia èi faaravaì i te manaò e horoàhia ra e Mätaio.

Tätou i âmui mai i teie poìpoì, e ia ora na tätou i te aroha o te Atua, ia haamaitaìhia te Atua no teie mahana maitaì roa, ta na i hohora faahou mai i mua ia tätou, teie parau no te rämepa, e te ohi i te repo marö, tätou uiraa e aha te tüàtiraa i roto i teie na parau, e rave tätou na mua te rämepa, e aha te rämepa, te tähi taoà teie ta tätou i ìte maitaì no te mea ua ö roa teie tauihaa i roto i to tätou oraraa, ua ìte maitaì tätou i to na faanahoraa, te vahi ra ta tätou e haapaò maitaì i roto i te vahi o te rämepa, naò tätou i te hiò te rämepa e parauhia nei, te taata ta taìtahi ia, e ère te rämepa e horoà o na i te mmm, e te reira atoà mea e hinaarohia ia na. Maite peu rä e tätou tera rämepa, ia taa maitaì atoà tera mea e hinaarohia ra ia tätou, ia maitaì noa te àma o teie täuihaa, te vai ra ta tätou tuhaa, ò ia hoì te àtuàturaa, horoi i te hiò, e hiò i te veo, e hiò i te ùiti, e hiò i te maa, ia òre ia haapaòhia, e parau-noa-hia iho ä teie täuihaa e rämepa aita ra to na hoê faufaa, e täno e faauta i nià i te tahi paèpaè èi mataìtaìraa, èi tauàparauraa aita ra to na hoê maitaì, e te vahi hau-roa-atu. Te faahiahia maite peu e tütonu maitaì mai tätou. Tera e aha te òhipa e ravehia e te rämepa àhiri na e aha te òhipa e ravehia e te rämepa, èita, aita o na e mmm, faaî noa atu ai i te maa, e tutuì, e aha te auraa e tutuì e tuu i te àma te auraa, e ère, e ère no te rämepa i te àma, te àma mea tuuhia atu, maite peu mea tuuhia atu teie àma i nià i teie rämepa e aita e ùiti faufaa òre te àma, tuuhia atu te àma aita e maa, faufaa òre teie maa i tuuhia atu, tuuhia atu te àma ua repo te hiò, aita atoà, e ère te reira e hinaarohia ra i te rämepa, no reira ia parau maitaìhia tätou e tätou te rämepa haamanaò tätou e, maite peu e àma tätou e ère no tätou te àma, te àma e mea tuuhia mai, ua ìte atoà ia tätou i nià i te morï, ua rau te faito àma ia ìte ra te morï ta taìtahi tera àma ta na e mau ra, a òaòa e a mauruüru, ia òre te tahi ia parau e, e aha ra e puai aè te àma o tera aè, hinaaro vau maiteraa aè to ù àma aita, e àma o na i tera àma na na e faaìte, no reira eiaha te taata ta taìtahi ia faaäu ia na i te àma o te tahi, àma o na i te àma i horoàhia no na ua ravaì, hiò ta na i roto i te tahi ùtuafare, hoê morï i tuuhia te àma noa atu te naìnaì o te àma o teie morï ua ravaì ra no te tuu i te hau i roto i t âau o te tamarii tirara mea e hinaarohia ra, hoê fare e àma rahi noa te morï èita te taata e taòto, e fifi te taòtoraa o te taata, no reira. Te rämepa maite peu tätou te rämepa tâtou tuhaa te vai ineine-noa-raa no te färiiraa i te àma e tuuhia mai. E te àma i tuuhia mai no te horoà ia i te mmm, e te mmm e ère no tätou, aita faufaa tera àma no te türama noa i te rämepa, to na àma no te haamarämarama i te ùtuafare , no te haamaräramarama i te taata, no te horoà i te hau i roto i te taata, hiò na tätou i te tähi taata maite peu e parauhia o na e haere e tahu i te äuahi, aita ia moè roa hia ia tätou mea nahea i te tähu i te äuahi, maite peu tei nià tätou i tera türa ta ù i ìte i te huriraahia mai, mai nià i te pähi aita iho ä ia e tiàturiraa faahou nahea ia tähu i te äuahi, ère i atâhi anaè i te äuahi, e ravehia tera mau âmaa rii naìnaì roa na mua e faaàma i te reira, ia àma i reira e tuu mai ai te àma huru rahi rii aè, eiaha e rave i te vahie rarahi, e pohe eiaha òutou e naò e e vahie maitaì teie, tera iho ä tähuraa atu ua pohe, aita òutou e haamaitaì ra i te äuahi te faaìno ra no reira mea tuu mauruüru noa ia àma mai tuu atu maa mea ïti, e päpü roa atu te àma, ta tätou tera tuhaa i roto i te taata e faaàma, e tuu te àma i roto i te taata noa atu e àma naìnaì, e na nià iho ä i tera àma naìnaì i te haamata, maite peu e tuu tätou i tera âmaa ra rahi e pohe tera äuahi, faufaa òre, e ära atoà ra no te mea, te vai ra te rahi pae e manaò rätou e ia faauehia rätou e haere e tähu i te äuahi e haere rätou i mua i tera àma naìnaì i reira e üra ai, faufaa òre ia teie äuahi e hinaarohia e faaàma maite peu e tätou te üra te vai atoà ra tera hohoà taata, e ère faauëhia e haere e faaàma, e here e tuu i te àma, aita e haere o na i mua i te taata i reira o na e üra ai, no te haafaufaa òre ia teie üra naìnaì. Tera ia tätou e haapiiraa rahi roa te vai ra i roto i te rämepa. Te tahi aè pae te vai nei teie hohoà ta Ìtaia e tuu mai nei ohi i te repo marö  naò ia tätou e te tahi raau âpï e tupu i te tahi vahi e repo ìno aita e päpe e repo marö, aita teie raau i pohe, aita teie raau i pohe, àhiri teie raau i tupu i te vahi repo maitaì, èita e ìtehia te vai ra tera ohi, e moè o na i roto i tera üru raau, no te mea ra e ohi te tupu i te vahi ìno, e repo marö, no reira te ìte maitaìhia to na faufaa e te haapäpü maitaì mai ra ta tätou parau aore o na huru e te nehenehe hinaaro atu ai tätou ia na, aita o na e hohoà i hinaaro atu ai tätou ia na. Hoê ä ia teie parau no teie rämepa te naò ra tätou e naìnaì roa to na àma, teie àhiri mea na roto i te mau fare haapiiraa teitei te reira ua ìtehia, e ère te reira tera  e hinaarohia ra. Tera ohi to na ora e aha fifi noa atu ai to na tupuraa, e aha aita o na i faaruè i te repo, ua haere o na tii i te päpe i raro, hohonu noa atu e haere o na e tii i te päpe i reira, maite peu te haamanò rii noa na tätou i tâtou paraparauraa i nanahi ra, te fifi   o te feiä âpï i teie mahana, eiaha te feiä anae, tera atoà mau taata e haere nei i tahiti ìmi ai te ora, no te mea tera ora ta rätou e ìte ra i ô nei e ère ä tera, te naò mai ra te tävana aita e moni, àhiri e moni tera ia mai taata e hinaaro ra ia riro òiòi rätou mai tera mau raau naò roa aè ra i te rarahi; ai tera ohi naìnaì i nià i tera repo vai o na tupu ai e òre roa i te tupu rahi roa te tupu noa rä, te maitaì noa ra, te faaàmu noa ra te fenua ia na, èi ia tae i te tau e hotu mai o na no reira ia ìte atoà tätou, maite peu e; èita e òre e hinaaro iho ä no te Atua ia tupu naìnaì noa tätou tera te huru o te Mäòhi, te haèhaa, te faaòromaì, noa atu te hämani-ìno-raa a te taata, noa atu te haavare, faaëa noa o na i nià i to na huru haèhaa tera tupu naìnaì, no reira tämau i tera tupu, e tiàturi atoà ra na te fenua tätou e faaàmu, e na te fenua tätou e faaora, te mea ia ta teie parau te ohi i te marö e hinaari ia tätou i teie mahana ia ìte, eiaha e nounou i te huru o tera tumu raau rahi, a tupu i tera tupu e au i to tätou naìnaì, aita e mea moè i te Atua i te fenua tei reira to na haaparahiraa ia tätou te reira te mea ta tätou e täpeà, eiaha atoà no te mea aita te taata e ìte mai ra ia tätou, manaò atu ra ta tätou mea faufaa òre tätou, mai te reira te feiä âpï i teie mahana, e ìmi rätou i te peu ia ìtehia mai rätou, e te tahi taime hoê änaè raveà e ìtehia mai ai rätou ia rave rätou i te òhipa ìnoìno, i reira e ìte maitaìhia te vai ra, tera iho ä taime na te mutoì e âpee e ìte maitaìhia ia, no reira e àma i te àma te vai ra to tätou àma, te vai ra te faufaa ta te Atua i horoà mai na tätou, na te Atua i tuu mai tera àma i nià ia tätou täpeà i te reira, noa atu aita i rahi, ia mauruüru òutou i te reira mai tera ohi i te repo marö, tera ohi i te repo marö, haamanaò iho ä ia tätou i te parau no Ietu, aita e taata e au ia na, aita atoà te taata e faahinaaro ia na, tera mau taata i âpee ia na ia te tahi taime ua haavare, ua huna, aita vau matau, aita vau i ìte o vai te reira taata o Ietu mai te reira atoà òia aita e taata e au, te auraa ia ìte mai tätou te mau taata e rave i te òhipa na te Atua, e riro atoà rätou mai teie te huru, aita atoà e taata e au mai, no te mea te feiä tätou e hinaaro mau taata e üra, e roo rahi to rätou, e tera mau taata rii naìnaì e âfaì i te tahi àma naìnaì roa, èita e au ia na no te mea aita paì tätou e hanahana ra i ô, aita tätou e anihia ra e ìmi i te hanahana, ua na reira anaè tätou te haavare noa ra tätou i te Atua, i te mau taime atoà e pure ai tätou i te pure ta te Fatu i haapii mai, no òe te hau, no òe te mana, no òe te hanahana tera para tätou no òe, na muri mai ra te hinaaro tätou aè te àma, tätou te üra, eiaha e àma rii naìnaì rii noa tätou, a àma i reira àma, e ohi tätou i te repo marö, a tupu i te reira tupuraa, mai tera ohi e tupu ra, noa atu e àma naìnaì, no reira teie feiä âpï i haere mai, ua parau iho ä te Fatu òutou te mmm o teie nei ao, ia ìte atoà ra òutou noa atu mea naìnaì to òutou àma, a mauruüru i tera àma naìnaì, te àma ra òutou no te Atua. Te faaìte ra òutou i te hanahana o te Atua, ia haamaitaì mai te Atua ia òutou mauruüru.